जेठ ९,
काठमाडौँ । पूर्व मिस नेपाल अश्मि श्रेष्ठ र भारतिय चर्चित गायक सनम पुरी प्रेम सम्बन्धमा रहेका छन् । उनीहरुले इन्स्टाग्राममा एकै फोटो सेयर गर्दै प्रेममा रहेको कुरा खुलासा गरेका हुन् । अश्मिले सनमसँगको फोटो पोष्ट गर्दै लेखेकी छिन्, ‘यो मिठो सुरुवात मात्र होइन, यसपछि मिठो समयका लागि पनि ।’ सनमले पनि उक्त फोटो आफ्नो इन्स्टाग्राममा सेयर गरेका छन् । उनीहरुले फोटो सार्वजनिक गरेसँगै बधाई तथा शुभकामना दिनेको ओहिरो लागेको छ ।
अश्मि २०१६ मा मिस नेपाल भएकी थिइन् । त्यस्तै, सनम पुरी कभर गीतमा चर्चित छन् । उनको ब्यान्डले केही समयअघि नेपालमा समेत कन्सर्ट गरेको थियो ।
