बैशाख १२
काठमाडौं । त्रिभुवन अन्तर्राष्ट्रिय विमानस्थल गौचरमा कतार एयरको उडानद्वारा काठमाडौं आएका पोल्याण्डका नागरिक पक्राउ परेका छन्।राहदानी नम्बर इएक्स १६५२४०९ वाहक एडोम रज्जर एडाडमुस विभिन्न हातहतियारसहित बुधबार साँझ पक्राउ परेका छन्।
उनले बोकी ल्याएको ह्याण्ड ब्यागमा भन्सार कार्यालयले चेकजाँच गर्ने क्रममा मेड इन चाइना लेखिएको बन्दुक जस्तो देखिने कालो रङ्गको हतियार १ थान र १७७ क्यालिबरको गोलीको प्याकेट ३ थान फेला पारेको थियो। भन्सार कार्यालयले उनलाई त्रिभुवन अन्तर्राष्ट्रिय विमानस्थल सुरक्षा कार्यालयमा बुझाएको भएपनि थप अनुसन्धानका लागि महानगरीय प्रहरी वृत्त गौशाला पठाइएको छ।
