चैत ३,
काठमाडौँ –नेपाली काँग्रेसका सभापति शेरबहादुर देउवाले पछिल्लो समय पार्टीमा देखिएको विवादमा सहमति जुटाउने प्रयासस्वरुप बूढानीलकण्ठस्थित निवासमा बैठक बोलाएका छन् । सोमबार बस्ने केन्द्रीय कार्य समितिलाई मध्यनजर गर्दै देउवाले पदाधिकारी, पूर्व पदाधिकारी तथा शीर्ष नेताहरुको अनौपचारिक बैठक बोलाएका हुन् ।
देउवाका स्वकीय सचिव भानु देउवाले बैठकमा पार्टीको अनुशासन समिति, निर्वाचन समिति, नेविसंघको नेतृत्व चयन तथा विभाग गठन लगायतका विषयमा छलफल हुने जानकारी दिए । अनुशासन र निर्वाचन समिति गठन सहमतिबेगर गर्नु खोजे वरिष्ठ नेता रामचन्द्र पौडेल र पूर्वमहामन्त्री कृष्णप्रसाद सिटौला पक्षले केन्द्रीय कार्यसमित बैठक नै बहिस्कार गर्ने चेतावनी दिँदै आएका छन् ।
गत विहिबार सभापति देउवानिकट नेताहरुले पनि एक चरण संवाद गरेका थिए ।
