फागुन १९,
काठमाडौँ पूर्वउपप्रधान तथा अर्थमन्त्री भरतमोहन अधिकारीलाई सरकारले राजकीय सम्मान दिने भएको छ । आइतबार बसेको मन्त्रिपरिषद् बैठकले पूर्वमन्त्री अधिकारीको अन्त्येष्टि राजकीय सम्मानका साथ गर्ने निर्णय गरेको हो । ८२ वर्षीय पूर्वमन्त्री अधिकारीको शनिबार राति हृयाम्स अस्पतालमा उपचारका क्रममा निधन भएको थियो । दिवंगत नेता भरतमोहन अधिकारीको पार्थिव शरीरमा प्रधानमन्त्री केपी शर्मा ओली र नेकपा अध्यक्ष प्रचण्डले पार्टी कार्यालय धुम्बाराहीमा आयोजित श्रद्धाञ्जली सभामा संयुक्त रुपमा पार्टीको झण्डा ओढाएका थिए । कम्युनिस्ट नेता अधिकारीले अर्थमन्त्री रहँदा सामाजिक सुरक्षा भत्ता वृद्धभत्ताको सुरुवात गरेका थिए । ०५१ सालमा प्रतिमहिना १ सय रुपैंया बृद्ध भक्ता दिने निर्णय भएको थियो । अहिले बृद्धले मासिक २ हजार बृद्धभत्ता पाउदै आएका छन् ।
