असार १,
संखुवासभा । चिचिला गाउँपालिका–२ इम्चोङमा बाढीले बगाएर एक जनाको मृत्यु भएको छ। बुधबार राति परेको अविरल बर्षपछि आएको बाढीले बगाउँदा सिलिचोङ गाउँपालिका–४ का ३६ वर्षीय मनकुमार राईको मृत्यु भएको हो। बुधबार सदरमुकाम खाँदबारीबाट घर फर्कने क्रममा इम्चोङको हाँडीखोला तर्दा बाढीले बगाएको प्रहरीले जनाएको छ। शवलाई पोष्ट मार्टमका लागि जिल्ला अस्पताल खाँदबारी ल्याइने जिल्ला प्रहरी कार्यालयले बताएको छ ।
